Kuptimi i thyesave

Një pjesë të një tërësie apo një numër të pjesëve të barabarta të saj e shprehim me anë të thyesave.
Numrat e formës `\frac ab` ku `a` dhe `b` janë numra natyrorë, quhen thyesa.


Thyesa paraqet herës të dy numrave natyrorë,numëruesit dhe emëruesit, andaj mund të shënojmë:

 `\frac 12 6 = 12:6=2`
  `\frac 35 7 = 35:7=5`

Pjesa e ngjyrosur e figurave të mëposhtme shënohet me anë të thyesave si në vijim:

Detyrë 1 Paraqitni pjesën e hijëzuar të figurave të mëposhtme në trajtë thyese:

Zgjidhje
1)Shohim se figura e parë është ndarë në dy pjesë dhe nga to është hijëzuar një, si rrjedhim ajo shkruhet si thyesë në  këtë trajtë `\frac 1 2`
2)Figura e dytë është ndarë në katër pjesë dhe nga to janë hijëzuar dy, si rrjedhim ajo shkruhet si thyesë në  këtë trajtë `\frac 2 4`
3)Figura e tretë është ndarë në nëntë pjesë dhe nga to janë hijëzuar pesë, si rrjedhim ajo shkruhet si thyesë në  këtë trajtë `\frac 5 9`
4)Figura e katërt është ndarë në tri pjesë dhe nga to është hijëzuar një, si rrjedhim ajo shkruhet si thyesë në  këtë trajtë `\frac 1 3`
5)Figura e pestë është ndarë në gjashtë pjesë dhe nga to janë hijëzuar pesë, andaj ajo shkruhet si thyesë në  këtë trajtë `\frac 5 6`
6)Figura e gjashtë është ndarë në tetë pjesë dhe nga to janë hijëzuar katër, andaj ajo shkruhet si thyesë në  këtë trajtë `\frac 4 8`

Për të luajtur një video-lojë me thyesa  kliko këtu .

Detyrë shtëpie:

1.Shkruani tre shembuj të thyesave dhe më pas përcaktoni emëruesin, dhe numëruesin për secilën nga to.
2. Caktoni vlerën numerike të thyesave të mëposhtme duke rikujtuar se thyesa paraqet herësin e dy numrave.

a) `\frac 10 5`       b) `\frac 24 6`       c) `\frac 5 1`

3.Paraqitni në trajtë thyese pjesët e hijëzuara të figurave të mëposhtme: